كود الماسكي لإخفاء رقم الهاتف عند الاتصال بأي شخص

استمتع بتحضير جلاش الجبنة والخضار بخطوات سهلة وطعم لا يقاوم! في هذا المقال، ستكتشف كيف يمكنك إعداد هذا الطبق الشهي المكوّن من طبقات من الورق الرقيق وحشوة الجبنة الكريمية الممزوجة بالخضار الطازجة. وما يتميز جلاش الجبنة والخضراوات  هو انها توازن بين نكهات الجبنة الغنية والخضار المتنوعة، وهو خيار رائع لمحبي الأطباق الشرق أوسطية الأصل.

سواء كنت تبحث عن طريقة لإضفاء التنوع على وجبات الإفطار أو الغداء، فإن جلاش الجبنة والخضار يعتبر اختيارا مثاليا يمكن تقديمه ساخنا أو بارد.

المكونات لعمل جلاش بالجبنة والخضراوات

10 شرائح جلاش

½ كوب خرشوف مسلوق ومقطع قطع صغيرة ومتبل بالملح والفلفل والليمون

½ كوب مشروم مقطع قطع صغيرة

2 ملعقة كبيرة بصل أخضر مفروم

ملعقة كبيرة ريحان أخضر مفروم

ملعقة كبيرة زعتر طازج مفروم

¼ كوب زيتون أخضر مقطع

¾ كوب زيتون أسود مقطع

½ كوب جبنة شيدر مبشورة

2 ملعقة كبيرة بصل مفروم

½ كوب جبنة فيتا مهروسة

2 ملعقة كبيرة زبدة سايحة

2 فصوص ثوم مفرومين

½ كوب طماطم مفرومة

1½ كوب لبن

4 بيضة كبيرة

ملح وفلفل

طريقة التحضير جلاش بالجبنة والخضراوات

1- هاتي طبق كبير، واخلطي فيه الزيتون الأسود والأخضر والطماطم والمشروم والثوم والخرشوف مع الجبنة الفيتا والجبنة الشيدر والريحان والزعتر، وسيبيهم على جنب.

2- في طبق تاني، اخفقي 3 بيضات مع نصف كوب لبن وتبليهم بالملح والفلفل.

3- هاتي الصينية اللي هتعملي فيها الجلاش، وادهنيها بطبقة خفيفة من الزيدة، وابدئي رصي فيها 6 طبقات من شرائح الجلاش طبقة طبقة، وفي كل مرة تحطي فيها طبقة من الجلاش ادهنيها بطبقة خفيفة جدا من الزبدة السايحة.

4- بعد ما ترصي 6 طبقات من الجلاش في الصينية، ابدئي افردي خليط الجبنة والزيتون اللي حضرتيه، وبعد كده صبي عليه خليط اللبن والبيض.

5- حطي باقي طبقات الجلاش في الصينية، وماتنسيش إنك تدهني كل طبقة بمسحة خفيفة من الزبدة السايحة قبل ما تحطي الطبقة التانية، وبعد ما ترصي كل طبقات الجلاش وتدهني آخر طبقة بالزبدة السايحة، قطعيه بالسكينة بالطريقة اللي تحبيها.

6- اخفقي البيضة اللي باقية مع كوب اللبن كويس وتبليهم بشوية ملح وفلفل.

7- دخلي الصينية في فرن ساخن على درجة حرارة متوسطة لمدة 10 دقائق، وبعد كده طلعيها وصبي على الوش خليط اللبن والبيض اللي عملتيه، ودخلي الصينية في الفرن مرة تانية، وسيبيها لغاية ما الجلاش يستوي وتلاقي الوش احمر، وبعد كده طلعي الصينية  وسيبيها تهدى لمدة 10 دقائق، وقدميها.. وبالهنا والشفا.